இந்த கரிகாலனோட முழு ரவுடித்தனத்த பாத்தது இல்ல.. ல..? பாப்பீங்க

தனுஷ் தயாரிப்பில் பா.இரஞ்சித் இயக்கத்தில் ரஜினி நடிப்பில் உருவாகி இருக்கும் ‘காலா’ படத்தின் டீசர் வெளியாகும் தேதி அறிவிக்கப்பட்டுள்ளது. 

ரஜினி நடிப்பில் தற்போது உருவாகி இருக்கும் படம் ‘காலா’. பா.இரஞ்சித் இயக்கியுள்ள இப்படத்தை தனுஷ் தனது வுண்டர்பார் நிறுவனம் மூலம் தயாரித்து வருகிறார். சந்தோஷ் நாராயணன் இப்படத்திற்கு இசையமைத்து வருகிறார். இப்படத்தின் பின்னணி வேலைகள் முழு வீச்சில் நடைபெற்று வந்தது.

இப்படத்தை அடுத்த ஏப்ரல் 27-ந் தேதி வெளியாகும் என்று அறிவிக்கப்பட்டு உள்ளது. இதனால் ரசிகர்கள் பெரிய எதிர்பார்ப்பில் உள்ளனர். இந்நிலையில், இப்படத்தின் டீசர் வெளியிடும் தேதி அறிவிக்கப்பட்டுள்ளது.

இப்படத்தை தயாரித்து வரும் தனுஷ் தனது டுவிட்டர் பக்கத்தில், ‘இந்த கரிகாலனோட முழு ரவுடித்தனத்த பாத்தது இல்ல..ல ..? பாப்பீங்க!!! “ என்று பதிவு செய்து டீசரை மார்ச் 1ம் தேதி வெளியிட இருக்கிறோம் என்று அறிவித்திருக்கிறார்.

தனுஷ் பதிவு செய்துள்ள ‘இந்த கரிகாலனோட முழு ரவுடித்தனத்த பாத்தது இல்ல..ல ..? பாப்பீங்க!!!’ இந்த வசனம் படத்தின் டீசரில் இடம் பெறும் என்று எதிர்பார்க்கப்படுகிறது.